Dregið í Deildarbikarnum

Dregið var til næstu umferðar í Deildarbikarnum núna í kvöld. Óhætt er að segja að Liverpool hafi fengið erfitt verkefni! Deildarbikarmeistararnir drógust gegn Englandsmeisturum Manchester City. Leikurinn fer fram í Manchester. Leikið verður fyrir jól eftir að Heimsmeistarakeppninni lýkur.

Ljóst er að róðurinn verður þungur í Manchester. Þess má geta að Liverpool og Manchester City eru fimm síðustu sigurvegarar í Deildarbikarnum! Manchester City vann keppnina fjögur ár í röð áður en Liverpol vann á síðasta keppnistímabili.