Sjö meiddir

Eins og sakir standa eru sjö aðalliðsmenn Liverpool meiddir. Ekki er vitað til að neinn landsliðsmaður hafi meiðst. Listinn er heldur styttri en hann var fyrir nokkrum vikum.


Alex Oxlade-Chamberlain, Andrew Robertson, Naby Keita, Curtis Jones, Ibrahima Konate, Caoimhin Kelleher og Calvin Ramsay eru núna á meiðslalistanum. Þeir Alex, Ibrahima, Caoimhin og Calvin meiddist á undirbúningstímabilinu í sumar og hafa ekkert spilað það sem af er keppnistímabilsins. 

Það verður auðvitað blaðamannafundur fyrir leik Liverpool og Brighton á föstudaginn. Þá skýrist trúlega hvort einhverjir þessara leikmanna eru orðnir leikfærir eftir landsleikjahléið. Hugsanlega hafa einhverjir af þessum sjö náð sér frá síðasta leik Liverpool sem var 13. september.