Owen Beck kominn úr láni og lánaður aftur

Ungliðinn Owen Beck er strax kominn heim úr láni. Owen var í sumar lánaður til portúgalska liðsins Famalicao. Hann spilaði ekkert með liðinu og Liverpool tók hann aftur heim. Owen stoppaði þó ekki lengi við því hann var lánaður strax aftur. Hann er nú kominn til Bolton Wanderes. Þar leikur hann með vini sínum Conor Bradley sem er í láni hjá félaginu. 

Owen er tvítugur að aldri. Hann spilar oftast sem vinstri bakvörður. Hingað til hefur hann spilað tvo leiki með aðalliði Liverpool. 

Owen Beck er frændi Ian Rush markahæsta leikmanns í sögu Liverpool. Carol systir Ian er amma piltsins. Hann er búinn að spila með yngri landsliðum Wales síðast undir 21. árs liðinu.