Nýr heimavöllur Liverpoolklúbbsins á Íslandi!

Minigarðurinn verður heimavöllur okkar í vetur. Það er óhætt að fullyrða að hvergi verði hagstæðara fyrir poolara að koma saman í vetur, enda Simmi Vill grjótharður poolari sjálfur. 
Minigarðurinn er eins og flestir vita staðsettur í Skútuvogi í Reykjavík og þar er afburða góð aðstaða til að horfa á leiki og ekki skemmir fyrir að þar er einnig hægt að gæða sér á allskonar kræsingum, geggjaðir borgarar, þristamús og allskonar fínerí.  

Það verða flott tilboð á mat, drykk, minigolfi og fleira fyrir félagsmenn sem við auglýsum nánar síðar og strax á morgun byrjar veislan, með æfingaleik Liverpool og RB Leipzig sem hefst kl. 17.15.

Við hvetjum félagsmenn til að mæta og skoða nýja heimavöllinn. 

Um leið og við fögnum þessum nýja og spennandi samstarfssamningi viljum við þakka SPOT í Kópavogi kærlega fyrir gott samstarf undanfarin ár.

Með Liverpoolkveðju,

Stjórn Liverpoolklúbbsins á Íslandi.