Landar skiptast á skilaboðum

Landarnir Darwin Nunez og Luis Suarez hafa skipst á skilaboðum á samfélagsmiðlum eftir að Darwin gekk til liðs við Liverpool. Luis lék auðvitað þar eins og allir vita. Hann var fyrsti leikmaðurinn frá Úrúgvæ til að spila með Liverpool. 


Luis sendi þessi skilaboð til Darwin. ,,Ég ruddi brautina! En ég vona að þú skorir meira en ég. Sendi þér faðmlag!!"



Darwin sendi þessi skilaboð til Luis. ,,Það er heiður fyrir mig að fylgja í fótspor þín. Ég vona að ég geti leikið það eftir sem þú afrekaðir hjá Liverpool."

Það verður spennandi að sjá hvernig Darwin vegnar hjá Liverpool. Ef hann nær að skáka árangri Luis í markaskorun verður hann með betri kaupum Liverpool. Svo mikið er víst. 

Sem fyrr segir var Luis fyrsti leikmaðurinn fá Úrúgvæ til að spila fyrir hönd Liverpool. Darwin verður sá þriðji. Annar í röðinni var Sebastian Coates.