Fabinho meiddur

Fabinho Tavarez varð að fara meiddur af velli í fyrri hálfleik á Villa Park í fyrrakvöld. Óvíst er hvort hann getur leikið meira með á leiktíðinni. Það er hið versta mál fari svo enda Brasilíumaðurinn algjör lykilmaður í liðinu. 


Fabinho tognaði aftan í læri ef rétt er vitað. Ljóst er að Fabinho getur ekki spilað í úrslitaleiknum um FA bikarinn á móti Chelsea á laugardaginn og næsta víst er að hann missir af síðustu deildarleikjunum. Vonir eru bundnar við að hann verði orðinn leikfær fyrir úrslitaleikinn um Evrópubikarinn á móti Real Madrid.