Leikdagur staðfestur

Búið er að gefa út hvenær Southampton og Liverpool mætast í ensku úrvalsdeildinni.

Leikurinn átti að fara fram sunnudaginn 15. maí en þar sem Liverpool mæta Chelsea í úrslitum FA bikarsins þann 14. maí þurfti auðvitað að færa leikinn til.

Ný dagsetning er þriðjudagurinn 17. maí og verður flautað til leiks klukkan 18:45 á St. Mary's leikvanginum í Southampton.

Þá hafa allir leikir liðsins verið dagsettir og við vitum dagskrána allt til loka tímabilsins. Hver einasti leikur er gríðarlega mikilvægur og spennan verður mikil á lokasprettinum.