Af leikmanni á Íslandi

Fréttin sem birtist hér á Liverpool.is á föstudaginn var í tilefni dagsins. Þessi frétt var birt í tilefni dagsins og eru hér með allir beðnir að afsaka hugsanleg óþægindi sem hafa hlotist af gabbinu. Kannski höfðu einhverjir trú á fréttinni. Stutta stund að minnsta kosti. :)

Það voru samt nokkur sannleikskorn að finna í fréttinni. James Milner var veikur af farsóttinni fyrir landsleikjahlé og eitthvað var hann meiddur um tíma. Leikmenn Liverpool, fyrir utan landsliðsmennina, fengu nokkurra daga frí og James Milner fór til Íslands í fríinu eins og kom fram í frétt á Fótbolti.net. Hann var vissulega á Selfossi 24. mars eins og fram kom í fyrrnefndri frétt. 


En það var á hinn bóginn ekki rétt að James væri á Íslandi á föstudaginn. Hann var þá kominn heim til Liverpool og byrjaður að æfa. Í gær kom hann svo inn á sem varamaður í leik Liverpool og Watford og spilaði síðustu mínútur leiksins.