| Grétar Magnússon

Tap hjá Salah og félögum

Egyptar spiluðu sinn fyrsta leik á Afríkumóti landsliða í D-riðli gegn Nígeríu.

Salah var að sjálfsögðu í byrjunarliðinu en náði ekki að hjálpa liði sínu til sigurs því Nígería skoraði eina mark leiksins, þar var að verki Kelechi Iheanacho á 30. mínútu. Heilt yfir voru Nígeríumenn mun betri í leiknum og voru mun líklegri til að skora fleiri mörk en Egyptar að jafna.


Fyrirfram var talið að þetta væri toppslagur riðilsins og Nígeríumenn eru því komnir í góða stöðu. Súdan og Gínea-Bissá gerðu markalaust jafntefli í hinum leik riðilsins.

Annars hefur Afríkumótið farið rólega af stað og þegar þetta er skrifað hafa allir leikir nema einn endað markalausir eða 1-0.

Egyptar mæta Gíneu-Bissá í næsta leik á laugardagskvöldið.


TIL BAKA
Nýlegar fréttir
Fleiri fréttir
Fréttageymslan