| Grétar Magnússon

Leikjabreytingar

Búið er að gefa út dagsetningu á tveim leikjum Liverpool í janúar.

Útileikur við Crystal Palace á Selhurst Park hefur nú verið færður yfir til sunnudagsins 23. janúar og verður flautað til leiks klukkan 14:00.

Þá var einnig staðfest að óbreyttur leiktími er gegn Brentford á Anfield helgina þar á undan. Nánar tiltekið þann 15. janúar klukkan 15:00 fer fram leikur við nýliðana.

Aðeins eru þrír deildarleikir á dagskrá í janúarmánuði en þó er ljóst að leikirnir verða fleiri enda er vaninn hjá enskum að FA bikarinn hefjist á nýju ári. Einnig gætu komið til leikir í undanúrslitum Deildarbikarsins en það er nú kannski von flestra að liðið fari ekki svo langt í þeirri keppni.

Hvað sem því líður er ljóst að okkar menn verða án Mohamed Salah, Sadio Mané og Naby Keita í þessum mánuði.


TIL BAKA
Nýlegar fréttir
Fleiri fréttir
Fréttageymslan