Þrjú lið í sérflokki

Graeme Souness, fyrrum leikmaður og framkvæmdastjóri Liverpool, segir að það séu þrjú liði í sérflokki í ensku Úrvalsdeildinni. Hann telur að baráttan um Englandsmeistaratitilinn standi á milli Liverpool, Englands- og Deildarbikarmeistara Manchester City og Evrópu- og Stórbikarmeistara Chelsea. 

,,Þegar maður lítur á fjögur stærstu félögin, Manchester liðin, Liverpool og Chelsea.  þá finnst mér þrjú þeirra í sérflokki og í raun langt á undan öðrum liðum í deildinni. Ég held að Manchester United verði með í baráttunni á leiktíðinni en liðið er ekki nógu gott og þegar kemur fram í apríl og maí munu þrjú lið berjast um titilinn. Önnur lið í deildinni eiga langt í land með að vera svipuð að styrkleika."


Vonandi hefur Liverpool í betur við þessi sterku lið og vinnur Englandsmeistaratitilinn í vor. Grame vann 14 titla á ferli sínum með Liverpool. Þar af varð hann fimm sinnum enskur meistari. Hann veit því hvað þarf til að vinna enska meistaratitilinn.