Ben lánaður

Ben Woodburn er kominn í lán til Skotlands. Hann mun spila þar í höfuðstaðnum með Heart of Midlothian til næsta vors. Hearts komst upp í Úrvalsdeildina á Skotlandi á liðnu vori og ætlar sér stóra hluti á þessu keppnistímabili. 


Ben spilaði vel með Liverpool á undirbúningstímabilinu. Það verður því spennandi að sjá hvernig honum gengur í skosku knattspyrnunni.


Ben Woodburn hefur spilað 11 leiki með Liverpool og skorað eitt mark. Hann er yngsti markaskorari í sögu Liverpool.