Aftur til æfinga

Leikmenn Liverpool komu saman til æfinga í dag og markaði það upphaf undirbúningstímabilsins fyrir nýtt keppnistímabil. 

Liðshópur Liverpool hóf æfingar nærri Salzburg í Austurríki í dag.  Trent Alexander-Arnold, Joe Gomez, Joel Matip og Virgil van Dijk eru í hópnum en þeir hafa verið meiddir um lengri eða skemmri tíma. Eru það góðar fréttir að þeir séu komnir til æfinga á nýjan leik. 

Þeir leikmenn aðalliðs Liverpol sem tóku þátt í Evrópukeppni landsliða og Suður Ameríkukeppninni fá frí næstu þrjár vikur eða svo. Verða þeir hvíldinni eflaust fegnir. 

Hér eru myndir frá æfingum Liverpool í dag.