Fulltrúar Liverpool á EM

Kynningin á fulltrúum Liverpool á EM heldur áfram. Komið er að þriðja leikmanninum í kynningunni. Um er að ræða Xherdan Shaqiri sem er í landsliðshópi Sviss. 

Nafn: Xherdan Shaqiri.

Fæðingardagur: 10. október 1991.

Fæðingarstaður: Gjilan í Júgóslavíu.

Staða: Útherji eða miðjumaður. 

Félög á ferli: Basel (2009-12), Bayern Munchen (2012-15), Inter Milan (2015), Stoke City (2015-18) og Liverpool. 


Fyrsti landsleikur: 7. september gegn 2010 Englandi.

Landsleikjafjöldi: 91.

Landsliðsmörk: 23.

Leikir með Liverpool: 63.

Mörk fyrir Liverpool: 8.

Hvernig gekk á síðustu leiktíð? Hann var aldrei fastamaður í byrjunarliði en gerði oft góða hluti sem varamaður.


Hver eru helstu einkenni okkar manns? Xherdan býr yfir góðri spyrnutækni og gefur vel fyrir markið. Hann er góður í spili og skapandi. 

Hver er staða Xherdan í landsliðinu? Hann hefur verið fastamaður frá því hann var fyrst valinn og lykilmaður í liðinu.

Hvað um Sviss?  Sviss er með gott landslið en það er ekki reiknað með því að liðið fari langt á Evrópumótinu.


Vissir þú? Xherdan hefur verið landsmeistari í þremur löndum. Fyrst í Sviss, svo Þýskalandi nú síðast á Englandi. 

Helsta heimild: http://www.lfchistory.net.