| Sf. Gutt
Dejan Lovren fagnaði um síðustu helgi landsmeistaratitli annað árið í röð. Hann varð rússneskur meistari með Zenit Saint Petersburg. Þetta er annar titil hans með Zenit en liðið vann Stórbikar Rússlands í fyrra.
Dejan er búinn að spila vel með Zenit sem þarna vann rússneska meistaratitilinn þriðja árið í röð. Króatinn hefur nú orðið landsmeistari í þremur löndum. Fyrst með Dinamo Zagreb í Króatíu 2008/09, svo Liverpool á Englandi 2019/20 og núna í Rússlandi. Hann varð króatískur bikarmeistari með Dinamo 2008/09 og vann svo franska bikarinn með Lyon 2011/12.
Dejan er skiljanlega ánægður með titilinn. ,,Ég kom til Zenit upp á þetta. Annar titill minn á fyrstu leiktíð minni hérna. Ég óska öllu liðinu, þjálfaraliðinu og starfsfólki félagsins til hamingju."
Sem fyrr segir þá hefur Dejan Lovren leikið vel með Zenit og hann tók við stöðu fyrirliða á leiktíðinni. Það hefði verið gott að hafa Króatann til taks á þessu keppnistímabili en því var ekki að heilsa. Hann vildi spila meira en hann hafði spilað á síðustu leiktíð og yfirgaf því félagið. Á hinn bóginn hefði Dejan, miðað við hvernig meiðslavandræðin hafa verið hjá Liverpool, spilað heilmikið á þessu keppnistímabili.
Dejan spilaði með Liverpool frá 2014 til 2020. Hann spilaði 185 leiki og skoraði fjögur mörk. Hann varð Englands- og Evrópumeistari með Liverpool.
TIL BAKA
Dejan aftur meistari!
Dejan Lovren fagnaði um síðustu helgi landsmeistaratitli annað árið í röð. Hann varð rússneskur meistari með Zenit Saint Petersburg. Þetta er annar titil hans með Zenit en liðið vann Stórbikar Rússlands í fyrra.
Dejan er búinn að spila vel með Zenit sem þarna vann rússneska meistaratitilinn þriðja árið í röð. Króatinn hefur nú orðið landsmeistari í þremur löndum. Fyrst með Dinamo Zagreb í Króatíu 2008/09, svo Liverpool á Englandi 2019/20 og núna í Rússlandi. Hann varð króatískur bikarmeistari með Dinamo 2008/09 og vann svo franska bikarinn með Lyon 2011/12.
Dejan er skiljanlega ánægður með titilinn. ,,Ég kom til Zenit upp á þetta. Annar titill minn á fyrstu leiktíð minni hérna. Ég óska öllu liðinu, þjálfaraliðinu og starfsfólki félagsins til hamingju."
Sem fyrr segir þá hefur Dejan Lovren leikið vel með Zenit og hann tók við stöðu fyrirliða á leiktíðinni. Það hefði verið gott að hafa Króatann til taks á þessu keppnistímabili en því var ekki að heilsa. Hann vildi spila meira en hann hafði spilað á síðustu leiktíð og yfirgaf því félagið. Á hinn bóginn hefði Dejan, miðað við hvernig meiðslavandræðin hafa verið hjá Liverpool, spilað heilmikið á þessu keppnistímabili.
Dejan spilaði með Liverpool frá 2014 til 2020. Hann spilaði 185 leiki og skoraði fjögur mörk. Hann varð Englands- og Evrópumeistari með Liverpool.
Nýlegar fréttir
-
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir! -
| HI
Úr leik í Evrópudeildinni -
| Sf. Gutt
Conor Bradley meiddur -
| Sf. Gutt
Verðum að hafa trú á verkefninu! -
| Sf. Gutt
Við höldum baráttunni áfram! -
| Sf. Gutt
Í minningu -
| Sf. Gutt
Köld vatnsgusa! -
| Sf. Gutt
Ruben Amorim vísar öllu á bug!
Fréttageymslan