Keita ekki með - óljóst með Matip

Naby Keita verður ekki orðinn góður af meiðslum fyrir leikinn gegn Manchester United á sunnudaginn. Joel Matip er aftur á móti byrjaður að æfa en hvort hann verður með fer eftir því hvernig honum gengur á æfingunum.

Jürgen Klopp úrskýrði stöðuna á þeim á blaðamannafundi í dag. „Það er stutt í Joel. Það þarf að meta hvort hann geti spilað eftir 1-2 æfingar, sem hann hefur ekki lokið ennþá. Ég veit því ekki hvort hann verður með. Við verðum að skoða hvernig hann lítur út á æfingum. En það eru aðrar lausnir til. Henderson er mjög mikilvægur fyrir okkur á miðjunni þannig að við verðum að sjá til hvort hann verði í vörninni. Það hefur ekkert verið ákveðið.“

Um Naby Keita segir Klopp. „Hann verður ekki með. Þetta eru ekki stórvægileg meiðsl. Þetta er svipað og með aðra leikmenn sem eru að koma úr meiðslum - við þurfum að meta stöðuna með tilliti til leikjaálags og stöðunnar í leikmannahópnum. Við höfum aðra valkosti á miðjunni þannig að við viljum reyna að gefa honum þann tíma sem hann þarf til að ná sér að fullu.“