Matip líklega klár fyrir toppslaginn

Allar líkur eru á að Joel Matip verði orðinn góður af meiðslunum sem eru að hrjá hann núna fyrir toppslaginn gegn Man. Utd. um þarnæstu helgi.

Matip fór meiddur af velli í leiknum gegn West Brom og þurfti Jordan Henderson að leysa miðvarðarstöðuna í síðasta leik. Hann hefur misst af tveimur leikjum síðan og verður ekki með í bikarleiknum gegn Aston Villa á morgun. En nú er talið líklegt að hann nái leiknum gegn Manchester United.

Engu að síður er ljóst að Matip verður fram eftir tímabili eini miðvörðurinn með reynslu í leikmannahópnum og spurningin er hversu mikið sú staða á eftir að skaða gengi liðsins það sem eftir er tímabils.