Ósigraðir í 60 deildarleikjum á Anfield!

Liverpool hóf sókn sína að 20. Englandsmeistaratitlinum með 4:3 sigri á Leeds United á Anfield Road. Um leið lék Liverpool sinn 60. deildarleik í röð án taps á Anfield!


Liverpool tapaði síðast í deildinni á Anfield 23. apríl 2017 þegar Crystal Palace vann 1:2. Frá þeim leik hefur Liverpool spilað 60. deildarleiki á heimavelli án þess að tapa. Frækilegt afrek hjá liðinu! 



Af þessum 60 leikjum hefur Liverpool unnið 49 leiki og gert 11 jafntefli. Félagsmetið er 63 leikir og var sett á árum 1978 til 1981. Chelsea á landsmetið og er 86 leikir frá 2004 til 2008. Eins og fram hefur komið er hér bara um deildarleiki að ræða.