Curtis Jones fær nýjan samning

Curtis Jones er búinn að fá nýjan samning við Liverpool. Hann er einn efnilegasti leikmaður félagsins og er búinn að sýna góð tilþrif á leiktíðinni.


Curtis er borinn og barnfæddur í Liverpool. Hann hefur haldið með Liverpool frá fæðingu og byrjaði að æfa hjá félaginu þegar hann var níu ára. Hann hefur verið lykilmaður í yngri liðum Liverpool síðustu árin og lék sinn fyrsta leik með aðalliðinu í janúar í fyrra. Á þessari leiktíð varð hann yngsti fyrirliði í sögu Liverpool og skoraði stórglæsilegt sigurmark á móti Everton í FA bikarnum í janúar. Þegar hér er komið við sögu hefur hann leikið tíu leiki og skorað þrjú mörk. 

Curtis er bara 19 ára. Það er ekki vafi á því að hann er mikið efni og gæti náð langt. 

Curtis var í liðshópi Liverpool sem vann Heimsmeistarakeppni félagsliða. Hann er því komin með einn titil á ferli sínum hjá Liverpool.