Alisson kjörinn bestur Brasilíumanna

Alisson Becker hefur verið kjörinn bestur allra Brasilíumanna sem leika í Evrópu fyrir árið 2019. Þetta er í fyrsta sinn sem markmaður hlýtur þessa viðurkenningu sem kallast Samba gullið. Verðlaunin hafa verið veitt frá því 2008 og taka fyrrum leikmenn, blaðamenn og knattspyrnuáhugafólk þátt í kjörinu. 

Roberto Firmino var í öðru sæti og Thiago Silva, leikmaður Paris SG, í því þriðja. Fabinho Tavarez kom svo í fjórða sæti. Liverpool átti því þrjá leikmenn af efstu fjórum og segir það sína sögu um frábæran árangur Liverpool á árinu 2019.