Alex kominn til leiks

Alex Oxlade-Chamberlain er kominn aftur til leiks eftir að hafa verið frá vegna meiðsla frá því síðasta vor. Hann spilaði með varaliði Liverpool, undir 23. ára liðinu, í dag í útileik á móti Derby County. Liverpool vann 1:3. Curtis Jones skoraði tvö mörk og Rafa Camacho eitt.

Alex var í byrjunarliðinu og þótti standa sig vel. Hann átti að spila fyrri hálfleikinn en fór út af fimm mínútum fyrir leikhlé. Hann fann fyrir lítilsháttar tognun en eftir fréttum á ekkert alvarlegt að vera á ferðinni. Það eru frábærar fréttir að Alex er kominn til leiks á nýjan leik og vanandi getur hann komið eitthvað við sögu áður en leiktíðin er búin. 

Hér eru myndir úr leiknum af Liverpoolfc.com.