Þriðji yngsti í sögu Liverpool!

Þegar Ki-Jana Hoever spilaði á móti Wolverhampton Wanderes í FA bikarnum varð hann þriðji yngsti leikmaður Liverpool í sögu félagsins. Hollenski strákurinn var aðeins  16 ára 11 mánaða og 20 daga gamall þegar hann kom inn á sem varamaður fyrir Dejan Lovren.


Yngsti leikmaður í sögu Liverpool er Jerome Sinclair en hann var 16 ára og sex daga gamall þegar hann lék sinn fyrsta leik. Jack Robinson er næst yngstur en hann var 16 ára, átta mánuða og átta daga gamall þegar hann þreytti frumraun sína með aðalliði Liverpool.

Ki-Jana setti nýtt félagsmet en hann er nú yngsti leikmaður Liverpool til að spila í FA bikarnum. Það verður áhugavert að sjá hvort pilturinn nær að spila meira með aðalliðinu á næstu árum.