Clyne lánaður

Nathaniel Clyne hefur verið lánaður til Bournemouth til loka tímabilsins.


Clyne hefur verið mikið meiddur síðastliðin ár og kom aðeins við sögu í fimm leikjum liðsins á síðasta tímabili. Á þessu tímabili hefur hann áfram glímt við meiðsli og tækifærin ekki verið mörg þar sem Trent Alexander-Arnold og Joe Gomez hafa verið framar í röðinni þegar kemur að hægri bakvarðastöðunni.

Hann fær nú tækifæri til að komast í betra leikform með Bournemouth en það verður að teljast ólíklegt að hann spili marga leiki með Liverpool í framtíðinni.

Alls hefur Clyne spilað 103 leiki með Liverpool og skorað tvö mörk.