Gomez skrifar undir nýjan samning

Joe Gomez bættist í hóp mikilvægra leikmanna félagsins sem hafa skrifað undir nýjan samning. Hann framlengir núverandi samning sínum til ársins 2024 !


Strax eftir undirskrift sagði Gomez í viðtali við opinbera heimasíðu félagsins:  ,,Það er gríðarlega þýðingarmikið fyrir mig að skrifa undir nýjan samning. Ég hef verið hjá félaginu í nokkur ár og hef haft þá ánægju að spila fyrir Liverpool og upplifa hvað það þýðir í raun. Ég er því hæstánægður með að geta framlengt dvöl minni hér."

,,Ég elska þetta félag, ég elska að spila hér og öðlast meiri reynslu, ég er virkilega glaður að vera mín hér verður enn lengri."

Gomez kom til Liverpool sumarið 2015 frá Charlton Athletic. Síðan þá hefur hann spilað 59 leiki fyrir aðallið félagsins og verið kallaður upp í enska landsliðið en hann er talinn vera einn efnilegasti varnarmaður Englendinga nú um stundir.

Meiðsli hafa oft á tíðum sett strik sinn í reikninginn hjá Gomez frá því að hann kom til félagsins en í október 2015 sleit hann krossbönd í hné og var frá keppni í eitt ár.

,,Það hafa svo sannarlega verið hæðir og lægðir, þetta er fjórða tímabil mitt hér þar sem hvert og eitt hefur verið öðruvísi en það næsta. Auðvitað hefði ég viljað átt við færri meiðsli að stríða en þetta hefur alltsaman verið hluti af ferðalaginu - sem ég hef notið hingað til. Ég hef lært mikið á þessu."

,,Það hafa verið góðar stundir úti á vellinum einnig. Vonandi heldur það áfram. Ég er að bæta mig undir frábærum stjóra með frábært starfslið á bakvið sig og hef öll þau tól sem ég þarf til að halda áfram að bæta mig. Ég hlakka mikið til."

Gomez er sem stendur á meiðslalistanum en vonast til að geta byrjað að spila fljótlega aftur á nýju ári. Hann hlakkar mikið til að spila stórt hlutverk hjá félaginu á komandi árum og vinna titla og bikara.

,,Öll merki eru á lofti um það hvert félagið stefnir. Við vorum svo nálægt því á síðasta tímabili að ná titli í Evrópu og nú erum við í harðri baráttu heimafyrir. Við höfum sýnt ótrúlegan karakter með því að byrja tímabilið núna svona sterkt."

,,Þetta er besta byrjun félagsins í deildinni í sögunni, það eitt og sér ætti að gefa fólki trú á félagið og hvert við stefnum."