Marko Grujic lánaður til Hertha Berlin

Marko Grujic hefur verið lánaður til Þýskalands. Serbinn mun spila með Herta Berlin á þessari leiktíð. Nokkur félög höfðu áhuga á að fá Marko lánaðan og þar á meðal Cardiff City þar sem hann var í láni hjá á síðasta keppnistímabili og stóð sig vel. En úr varð að Serbinn færi til Þýskalands.  



En áður en Marko fór þangað gerði hann nýjan samning við Liverpool. Forráðamenn Liverpool hafa haft þennan hátt á með nokkra af yngri leikmönnum liðsins áður en þeir hafa verið lánaðir. Marko var í liðshópi Serbíu á HM í sumar en spilaði ekkert.