Adam Lallana meiddur

Það á ekki af Adam Lallana að ganga. Hann fór meiddur af velli stuttu eftir að hann kom inn á sem varamaður á móti Crystal Palace um síðustu helgi. 

Eftir því sem best er vitað þá meiddist Adam á læri. Ekki hefur enn verið gefið út hversu lengi Adam verður frá en það má búast við að hann verði einhverjar vikur frá keppni.

Meiðslin komu á versta tíma en Adam var að taka fyrstu skrefin eftir að hafa verið meiddur frá því í sumar. Alls var hann búinn að koma við sögu í 13 leikjum á leiktíðinni. 

Í versta falli gætu meiðslin þýtt að Adam missti af þeim möguleika að spila á HM í Rússlandi í sumar.