Fyrsti leikur Nathaniel Clyne

Nathaniel Clyne lék sinn fyrsta leik frá því í sumar á sunnudaginn var. Hann lék þá með varaliði Liverpool, eða undir 23. ára liðinu, eftir erfið bakmeiðsli. Nathaniel lék aðeins fyrsta æfingaleikinn í sumar þegar Liverpool vann Tranmere Rovers 0:4 og svo ekki söguna meir. 

Hann er nýbyrjaður að æfa og leikurinn á sunnudaginn var stórt skref í bataferlinu. Leikurinn var á útivelli við Stoke City og vann Liverpool 0:4. Dominic Solanke skoraði þrennu og Bobby Adekanye eitt. Joe Gomez lék með en hann er búinn að vera meiddur upp á síðkastið.