Mikilvægast að hjálpa liðinu!

Mohamed Salah skoraði enn eitt markið í 0:2 sigrinum á móti Southampton í gær. Hann hefur hlotið mikið lof fyrir framgöngu sína á leiktíðinni. Sjálfur segir hann mikilvægast að hjálpa liðinu sínu. Mohamed hafði meðal annars þetta að segja í viðtali eftir leikinn í Southampton. 

,,Það var mjög mikilvægt fyrir okkur að ná þremur stigum. Það gerði okkur auðveldara fyrir að ná að skora snemma. Allir spiluðu vel í dag. Það er alltaf auðveldara að ná forystu. Þá verður pressan aðeins minni. Núna verðum við að halda áfram á sömu braut. Ég er alltaf að hugsa um að hjálpa liðinu því það er mér efst í huga. Núna verð ég að snúa mér að því að hugsa um næsta leik því það dugar ekki annað en að halda áfram settu marki."


Mohamed skoraði sitt 29 mark á leiktíðinni á móti Southampton og framganga hans hans fram til þessa hefur verið með ólíkindum.  Haldi hann áfram á sömu braut er ómögulegt að segja til um hvað hann endar með mörg mörk á þessu fyrsta keppnistímabili sínu hjá Liverpool.