Kent lánaður

Ryan Kent hefur verið lánaður til Bristol City sem spila í næst efstu deild Englands.

Þessi 21 árs gamli leikmaður var lánaður til þýska félagsins Freiburg í upphafi leiktíðar en þar fékk hann lítil sem engin tækifæri til að spila og sneri því aftur til Liverpool fyrr í janúarmánuði.  Hann skrifaði undir nýjan samning við Liverpool síðastliðið sumar og þykir ágætt efni.

Nú fær hann tækifæri til að bæta sinn leik enn frekar hjá Bristol City sem hafa komið skemmtilega á óvart í deildarbikarnum það sem af er tímabili en þeir eru í undanúrslitum keppninnar.  Liðið er svo í toppbaráttunni í Championship deildinni en sem stendur eru þeir í fórða sæti deildarinnar.