Suarez keypti hús handa Coutinho

Luis Suarez keypti húsið við hliðina á sínu eigin, fyrir vin sinn Coutinho. Svona ef hann skyldi nú koma til Barcelona. Þeir félagar eru í skýjunum yfir endurfundunum.

Fjölmiðlar á Spáni segja frá því nú í morgunsárið að forseti Barcelona hafi spurt Luis Suarez hvaða hóteli hann mælti með fyrir Coutinho. Svar Suarez var einfalt: ,,Hann þarf ekkert hótel, ég er búinn að kaupa hús handa honum."

Vitnað er í Coutinho sem er gríðarlega ánægður með húsakaup Suarez: ,,Luis sá að húsið við hliðina á honum var komið á sölu þannig að hann ákvað að kaupa það, ef ég skyldi koma."

Hús þeirra félaga er í Bellemar hverfinu í Castelldefels strandbænum, rétt utan við Barcelona.

Þess má einnig geta að Suarez tók á móti Coutinho á flugvellinum í Barcelona, á limosínu frá Barcelona.