Aldrei tapað gegn Liverpool

Það þurfti kannski ekki að koma á óvart að Liverpool hefði ekki náð að vinna sigur í Newcastle. Rafael Benítez hefur nefnilega aldrei tapað fyrir Liverpool! Hann hefur fimm sinnum stjórnað liðum gegn Liverpool og þrívegis hefur verið jafntefli þannig að úrslitin í dag voru ef til vill ekki óvænt.


Rafael Benítez var skipaður framkvæmdastjóri Liverpool í júní 2004. Þá hafði hann tvívegis stjórnað Valencia á móti Liverpool í riðlakeppni Meistaradeildarinnar. Spænska liðið vann 2:0 heima og 0:1 á Anfield Road. Hermt er að yfirmenn Liverpool hafi hrifist af leikstíl Valencia í þessum leikjum. 



Á leiktíðinni 2012/13 kom Rafael með Chelsea til Liverpool og liðin skyldu jöfn 2:2. Í þeim leik gerði Luis Suarez afdrifaríka bitatlögu að einum leikmanni Chelsea.


Vorið 2016 kom Rafael á Anfield sem framkvæmdastjóri Newcastle United. Leiknum lauk með jafntefli 2:2. Þrátt fyrir þessi góðu úrslit féll Newcastle um vorið. 

Ekki tókst Liverpool frekar en fyrri daginn í dag að vinna lið sem Rafael Benítez stjórnar þegar liðið gerði 1:1 jafntefli í Newcastle. Spánverjinn kann greinilega tökin á Liverpool hvort sem hann stjórnar liðinu eða andstæðingum.