Ótrúlegt mark!

Það kemur varla nokkrum manni á óvart að Emre Can telji markið sitt gegn Watford það fallegasta sem hann hefur skorað á ferlinum.  

,,Ef satt skal segja þá hugsaði ég ekki mikið. Lucas sendi frábæra sendingu fram og ég gerði þetta bara. Ég var mjög ánægður með að boltinn skyldi fara í markið!"

,,Ég gat eiginlega ekki gert neitt annað því boltinn kom aðeins fyrir aftan mig og ég gat ekki skallað hann. Þetta var einstakt mark og ég er mjög ánægður með það en mestu skipti að ná stigunum sem voru í boði. Þetta er besta markið sem ég hef nokkurn tíma skorað. Þetta var ótrúlegt mark!"