| Grétar Magnússon

Bodgan lánaður til Wigan

Markvörðurinn Adam Bogdan hefur verið lánaður til Wigan Athletic og mun hann vera hjá félaginu út næsta tímabil.

Bogdan, sem er 28 ára gamall, spilaði sex leiki fyrir félagið á síðasta tímabili, þar af tvo í úrvalsdeildinni eftir að hafa komið til liðs við Liverpool síðasta sumar á frjálsri sölu frá Bolton Wanderers.

Hans fyrsti leikur fyrir félagið í deildinni er sennilega eitthvað sem hann vill helst gleyma en það var gegn Watford í desember í fyrra.  Slæm mistök hans eftir hornspyrnu, þar sem hann hélt ekki boltanum, urðu til þess að Watford komust yfir og unnu svo nokkuð auðveldan 3-0 sigur í kjölfarið.

Hann stóð sig þó vel í Deildarbikarnum gegn Carlisle þar sem hann varði þrjár vítaspyrnur í vítaspyrnukeppni á Anfield og tryggði liðinu áframhald í keppninni.

Wigan komust upp í næst efstu deild á síðasta tímabili er þeir unnu League One en eins og margir vita spilaði félagið í nokkur ár í ensku úrvalsdeildinni.

TIL BAKA
Nýlegar fréttir
Fleiri fréttir
Fréttageymslan