Niðurtalning - 6. kapítuli

Það bar eitt og annað til tíðinda á leiðinni á Wembley leikvanginn. Það er af ýmsu að taka.

+ Liverpool leikur til úrslita í Deildarbikarnum í 12. sinn. Það er met!

+ Átta sinnum hefur Liverpool unnið keppnina. 
 
+ Liverpool lék í 16. skipti í undanúrslitum Deildarbikarsins. Það er met!


+ Liverpool er búið að nota 26 leikmenn á leiðinni á Wembley.

+ Af þeim léku níu sína fyrstu leiki fyrir félagið.

+ Aðeins Joe Allen, Adam Lallana og Jordan Ibe hafa komið við sögu í öllum leikjunum.

+ Liverpool hefur skorað níu mörk á leiðinni til Wembley. Sex af þeim komu þegar Liverpool vann Southampton 1:6.


+ Divock Origi hefur skorað flest mörk eða þrjú. Þetta voru fyrstu mörk hans fyrir Liverpool. 


+ Liverpool fór í gegnum tvær vítaspyrnukeppnir til að komast til Wembley. 


+ Aðeins Martin Skrtel og Jose Enrique eru eftir af þeim sem urðu Deildarbikarmeistarar 2012 þegar bikarinn vannst síðast. 

+ Jürgen Klopp  hefur áður stýrt liði í úrslitaleik á Wembley. Hann var framkvæmdastjóri Borussia Dortmund þegar liðið mætti Bayern Munchen í úrslitaleiknum í Meistaradeildinni árið 2013. Bayern vann 2:1.

+ James Milner var í leikmannahópi Manchester City þegar liðið vann keppnina 2014. Hann var varamaður í úrslitaleiknum þegar City vann Sunderland 3:1.

+ Daniel Sturridge lék áður með Manchester City og Raheem Sterling með Liverpool.

+ Þeir bræður Kolo og Yaya Toure eru í leikmannahópum liðanna.