Mario ekki inni í myndinni

Mario Balotelli er ennþá leikmaður Liverpool. Hann hefur þessa leiktíð verið í láni hjá AC Milan. Litlar sem engar líkur eru taldar á því að hann spili á nýjan leik með Liverpool.

Jürgen Klopp mun ekki hafa neinn hug á því að nota Mario á næstu leiktíð og hann hefur heldur ekki gert merkilega hluti hjá AC Milan. Það er því álitið að forráðamenn Liverpool reyni að fá eitthvað fyrir Mario í sumar. Nú hafa margir þekktir og minna þekktir leikmenn farið til Kína og hver veit nema þar leynist félag sem hefur áhuga á Ítalanum.