Nýtt félagsmet!

Kolo Toure skoraði sjötta mark Liverpool í stórsigrinum á Aston Villa. Um leið og hann skallaði í markið leit nýtt félagsmet dagsins ljós. 

Kolo varð 19. leikmaðurinn til að skora á þessari leiktíð og hafa aldrei áður svo margir leikmenn skorað fyrir Liverpool á sama keppnistímabilinu. Gamla metið var 18 mörk á leiktíðunum 1991/92, 1999/2000 og 2012/13. 

Fyrir utan að slá félagsmet þá var markið sögulegt fyrir Kolo sjálfan því þetta var fyrsta mark hans fyrir Liverpool. Hann var hinn ánægðasti eftir leikinn og sagði markið sérstaklega gleðilegt því hann hefði skorað fyrir öll félög sem hann hefði spilað með hingað til. Hann var farinn að hafa áhyggjur af að hann myndi kannski ekki skora fyrir Liverpool en nú er það frá!