Deildarbikarleikur dagsettur

Liverpool og Carlisle mætast á Anfield í 3. umferð enska Deildarbikarsins þann 23. september kl. 19:00.

Carlisle hafa sigrað Chesterfield og Queens Park Rangers á leið sinni í þriðju umferð og var sigurinn í síðustu umferð eitthvað sem fáir bjuggust við á heimavelli Q.P.R.

Það er ansi langt síðan þessi lið mættust síðast á Anfield en það var árið 1977 í 4. umferð FA bikarsins og þar sigruðu okkar menn 3-0. Síðast mættust þessi lið á heimavelli Carlisle árið 1989 í 3. umferð FA bikarsins og þá sigruðu Liverpool menn líka 3-0.