Sheyi Ojo gerir samning og fór!

Það var viðburðaríkur dagur hjá ungliðanum Sheyi Ojo í dag. Hann skrifaði undir nýjan samning við Liverpool og fór svo í burtu! Hann er þó ennþá leikmaður Liverpool. 

Sheyi gerði sem sagt nýjan samning við Liverpool en var svo lánaður til Wolverhampton Wanderes sem leikur í næst efstu deild. Sheyi vakti mikla athygli á síðustu leiktíð og stóð sig vel á undirbúningstímabilinu. Hann skoraði sigurmark Liverpool í Swindon á laugardaginn. Það má einmitt sjá markið hér á meðfylgjandi mynd.

Sheyi kom til Liverpool frá MK Dons árið 2011. Hann komst tvívegis á varamannabekk aðalliðsins á síðustu leiktíð.