Danny Ward lánaður

Liverpool hefur lánað markmanninn unga Danny Ward. Hann mun spila með Aberdeen í Skotlandi á næstu leiktíð. Danny var um tíma í láni hjá Morecombe á nýliðinni leiktíð. 

Liverpool keypti Danny frá Wrexham árið 2012. Hann þykir mjög efnilegur og hefur leikið mjög vel með varaliði Liverpool frá því hann kom til félagsins. Danny hefur spilað með yngri landsliðum Wales og í vetur var hann í fyrsta sinn valinn í aðallandsliðið. Hann hefur þó hingað til verið á bekknum hjá aðalliðinu. 

Danny Ward hefur ekki enn leikið með aðalliði Liverpool en á leiktíðinni sem nú er nýlokið var hann varamarkmaður í 23 leikjum. Samingur hans við Liverpool var framlengdur fyrr í sumar þannig að hann virðist í áliti hjá félaginu. Það verður gaman að sjá hvernig honum vegnar í skosku knattspyrnunni.