Fyrrum þjálfari Liverpool með þrennu!

Pako Ayestaran, fyrrum hægri hönd Rafael Benítez, gerði sér lítið fyrir og stýrði liði sínu til þrefalds sigurs á leiktíðinni. Spánverjinn er nú framkvæmdastjóri Maccabi Tel Aviv í Ísralel. Maccabi vann deildina og báðar bikarkeppnirnar á þessari leiktíð sem er sannarlega vel af sér vikið. 

Pako kom með Rafael Benítez þegar hann tók við Liverpool en þeir höfðu lengið unnið saman. Hann var hjá Liverpool til ársins 2007 en þá slettist eitthvað upp á vinskap hans og Rafa. Hann hefur síðan unnið meðal annars hjá Benfica og Valencia.

Pako þótti mjög góður þjálfari og sumir töldu hann leika lykilhlutverk í árangri þeim sem Liverpool náði á valdatíma Rafael Benítez. Liverpool vann ekki titil eftir að hann fór frá félaginu.