Fær Mignolet Gullhanskann?

Gullhanskinn var fyrst veittur vorið 2005, en þá hreppti Petr Cech viðurkenninguna eftir að hafa haldið markinu hreinu í 21 leik. Næstu þrjú árin þar á eftir landaði Pepe Reina hanskanum, með 20,19 og 18 ,,hreinum lökum".
Vorið 2009 féll hanskinn í skaut Hollendingsins Edwin van der Saar, sem þá jafnaði afrek Cech frá leiktíðinni 2004-2005 með því að halda markinu hreinu í 21 leik.
Petr Cech hirti Gullhanskann í annað sinn vorið 2010, en næstu þrjú árin þar á eftir hreppti Joe Hart hnossið. Síðastliðið vor skiptu Cech og Wojciech Szczezny síðan hanskanum á milli sín, en báðir héldu búrinu hreinu í 16 leikjum sem er lægsta tala sem hanskinn hefur verið veittur fyrir.
Eftir afleita byrjun á leiktíðinni og bekkjarsetu á aðventunni hefur Simon Mignolet staðið sig ljómandi vel í marki Liverpool. Nú er svo komið að hann hefur haldið markinu hreinu í 14 leikjum. Fraser Forster hjá Southampton er næstur með 13 ,,hrein lök", en hann er meiddur og spilar ekki meira á leiktíðinni. Lukas Fabianski hjá Swansea er síðan í 3. sæti, en hann hefur haldið markinu hreinu í 11 leikjum. Swansea á aðeins fjóra leiki eftir í deildinni og Liverpool fimm, þannig að það verður að teljast ansi líklegt að okkar maður fái að skreyta sig með hanskanum eftirsótta í lok leiktíðar.
-
| Sf. Gutt
Niðurtalning - 5. kapítuli -
| Grétar Magnússon
Lykilbaráttur -
| Sf. Gutt
Niðurtalning - 4. kapítuli -
| Sf. Gutt
Goðsagnirnar unnu! -
| Sf. Gutt
Nú liggja allir vegir til Parísar! -
| Sf. Gutt
Niðurtalning - 3. kapítuli -
| Sf. Gutt
Meiðslafréttir -
| Sf. Gutt
Niðurtalning - 2. kapítuli -
| Sf. Gutt
Jürgen Klopp Framkvæmdastjóri ársins! -
| Sf. Gutt
Niðurtalningin er hafin. - 1. kapítuli