| Sf. Gutt

Steven meiddur


Steven Gerrard, fyrirliði Liverpool, mun að öllum líkindum verða frá verkum í bili vegna meiðsla. Hann fór af velli á móti Tottenham Hotspur í hinum mikilvæga 3:2 sigri á þriðjudagskvöldið. Hann var þá stirður aftan í læri en hann hefur verið það síðustu vikurnar. Nú eru mestar líkur á því að Steven verði frá í nokkrar vikur ef allt fer á versta veg.


Steven Gerrard skoraði 10. mark sitt á leiktíðinni á móti Tottenham og er markahæstur leikmanna Liverpool. Hann lék sinn 700. leik á móti Bolton í síðustu viku og hefur mikilvægu hlutverki að gegna í liðinu. Lucas Leiva er líka meiddur þannig að það tveir af bestu miðjumönnum Liverpool verða úr leik næstu vikurnar sem er ekki nógu gott því margir leikir eru framundan og dagskráin stíf.


Þess má geta að markið sem Steven skoraði á móti Tottenham var númer 183 fyrir félagið og hann jafnaði þar með Robbie Fowler. Aðeins fjórir leikmenn hafa skorað fleiri mörk fyrir Liverpool.


TIL BAKA
Nýlegar fréttir
Fleiri fréttir
Fréttageymslan