Frægur fyrir leik

Martin Hermannsson körfuboltasnillingur er mikill stuðningsmaður Liverpool. Hann spáir í spilin fyrir leik Liverpool og Stoke um helgina, velur sinn uppáhaldsleikmann o.s.frv.

Hvenær byrjaðir þú að halda með Liverpool?
Ég hef haldið með Liverpool frá því að ég man eftir mér. Pabbi og bróðir pabba eiga allan heiðurinn af því. 

Hver er þinn uppáhaldsleikmaður Liverpool allra tíma?
Klárlega Suarez. Xabi Alonso er þó ekki langt undan.

Hver er í mestu uppáhaldi af núverandi leikmönnum liðsins?
Ég var að vona að Balotelli myndi heilla mig meira, en þessa stundina er það Raheem Sterling.

Ef þú mættir kaupa hvaða leikmann sem er til Liverpool, hver yrði þá fyrir valinu?
Messi! Þurfum ekki að vera að flækja það neitt. En ef ég á að vera raunsær þá myndi ég líklega reyna að ná í Shaqiri.

Hvernig fer leikurinn gegn Stoke á laugardaginn?
2-1. Gerrard og Sterling með mörkin.

Í hvaða sæti endar Liverpool í vor?
Ég held að með hjálp Sturridge og vonandi einhverjum kaupum í janúar þá náum við að rífa okkur upp og enda í topp sex að minnsta kosti. Ég segi 3.- 6. sæti.