Luis áfram í keppnisbanni

Alþjóða íþrótta­dóm­stóll­inn kvað upp þann úr­sk­urð í gær að fjög­urra mánaða keppn­is­bann sem Úrúg­væ­inn Luis Su­árez var dæmd­ur í fyr­ir að bíta mót­herja sinn í öxl­ina á HM í sum­ar standi. Banndómnum var áfrýjað af Knattspyrnusambandi Úrúgvæ en niðurstaðan er sem sagt sú að Luis má ekki spila opinbera kappleiki næstu fjóra mánuði. 

Dómurinn breytti þó einu frá úrskurðinum í sumar. Breytingin er sú að Luis má æfa knattspyrnu með félagi sínu og honum er nú heimilt að taka þátt í æfingaleikjum. Hann getur því hafið æfingar með Barcelona og hann má spila í æfingaleikjum. Alvöruleikir eru þó ekki í boði fyrr en í lok sláturtíðar en bannið rennur út síðustu dagana í október.

Þetta allt skiptir auðvitað engu máli fyrir Liverpool en það er rétt að greina frá þessu.