| Sf. Gutt

Munum reyna okkar allra besta!

Liverpool er í baráttunni um enska meistaratitilinn. Önnur lið eru kannski sigurstranglegri en markmaðurinn snjalli Simon Mignolet segir að leikmenn Liverpool muni reyna sitt allra besta til loka leiktíðarinnar.

,,Við erum í góðri stöðu núna en það eru 11 leikir eftir og margt getur gerst. Við verðum bara að reyna að ná öllu því sem við mögulega getum út úr öllum leikjunum sem eru eftir. Við verðum að halda ró okkar og einbeita okkur að næsta leik okkar á móti Southampton. Það verður mjög erfiður leikur fyrir okkur og við verðum að undirbúa okkur vel. Við erum ekkert að velta því fyrir okkur hvernig okkur hefur vegnað gegn þeim í fortíðinni."

,,Við skiluðum okkar verki á móti Swansea með því að ná þremur stigum. Við höfum svo oft unnið heima á leiktíðinni og það hefur gefið okkur grunn til að byggja á. Vonandi getum við haldið áfram á sömu braut í deildinni. Við erum ánægðir með hvar við stöndum núna en það er mikið eftir enn."

,,Framkvæmdastjórinn hefur gefið öllum sjálfstraust. Við vitum að hann stendur við bakið á okkur og styður okkur þegar við förum út á völlinn. Allir eru að reyna að skila sínu sem best og við verðum að reyna að halda okkur á sömu braut til loka leiktíðarinnar."

Já, það verður gaman að fylgjast með piltunum hans Brendan Rodgers til loka keppnistímabilsins. Það getur sannarlega allt gerst!
TIL BAKA
Nýlegar fréttir
Fleiri fréttir
Fréttageymslan