Fulham leikurinn verður annað kvöld

Eins og fram kom hér á síðunni fyrr í dag stóð jafnvel til að leik Fulham og Liverpool yrði frestað. Það verður ekki. 

Forráðamenn Fulham höfðu áhyggjur af því að hugsanlegt verkfall starfsmanna neðanjarðarlestakerfisins í London hefði það í för með sér að gæslumenn og annað starfsfólk kæmist ekki á Craven Cottage í tæka tíð. Þess vegna veltu þeir upp möguleikanum á því að fresta leiknum. 

Rétt í þessu var tilkynnt að ekkert verður af verkfallinu og leikurinn mun því fara fram á áður auglýstum tíma, kl. 20.00 annað kvöld.