Luis í metabækur Liverpool!

Luis Suarez komst í metabækur Liverpool F.C. í gærkvöldi þegar hann skoraði fernu þegar Liverpool burstaði Norwich City 5:1. Það var í sjálfu sér ekki sögulegt að Luis skyldi skora þrennu og ekki má gleyma því að hann skoraði fjögur mörk!

En það merkilega var að hann varð fyrstur leikmanna Liverpool til að skora þrennu í þrígang á móti sama liðinu. Luis skoraði þrennur gegn Norwich á tveimur síðustu keppnistímabilum, fyrst í 0:3 sigri á Carrow Road og aftur á sama stað á síðustu leiktíð þegar Liverpool vann 2:5. Úrúgvæinn hefur nú skorað 11 mörk gegn Kanarífuglunum í fimm leikjum. Það er því trúlegt að leikmenn Norwich séu búnir að fá yfir sig nóg af þessum magnaða leikmanni!

Luis Suarez er kominn með tvær þrennur á leiktíðinni en hann skoraði líka þrívegis í 4:1 sigri á móti W.B.A. Í allt hefur hann skorað fjórar þrennur og eina fernu á ferli sínum hjá Liverpool!!!