Victor leikmaður ársins í Nígeríu

Victor Moses, sem er á láni frá Chelsea, var útnefndur knattspyrnumaður ársins í Nígeríu fyrr í vikunni. Tveir aðrir, John Obi Mikel og Sunday Mba voru tilnefndir auk Moses.  


Victor Moses spilaði stórt hlutverk með landsliði sínu í undankeppni HM þar sem liðið tryggði sér þáttökurétt í Brasilíu næsta sumar.  Skoraði hann eitt mark í umspilsleikjum við Eþíópíu.  Nígería stóðu svo einnig uppi sem sigurvegarar á Afríkumóti landsliða í febrúar á þessu ári þar sem Moses skoraði tvö mörk í keppninni.

Hann var svo auðvitað hluti af liði Chelsea í vor sem vann Evrópudeildina og skoraði hann 10 mörk í öllum keppnum það tímabil.  Síðan hann kom til Liverpool í haust hefur hann komið við sögu í 9 leikjum og skorað í eitt mark.

Þess má geta að Victor Moses lék með yngri landsliðum Englands upp í undir 21. árs liðið en ákvað að söðla um og spila til framtíðar fyrir fæðingarland sitt. Hann lék sinn fyrsta leik með Nígeríu í fyrra og hefur verið fastamaður í liðinu síðan. Það má því segja að hann hafi sannarlega uppskorið vel með þeirri ákvörðun sinni að leika fyrir hönd Ofurenglanna.