Fjórir eftir heima!

Brendan Rodgers er nú staddur í Noregi með sína menn en þar verður leikið gegn Valarenga síðdegis í dag. Fjórir leikmenn voru eftir heima vegna meiðsla. Þetta eru þeir Daniel Agger, Martin Skrtel, Glen Johnson og Luis Suarez.

Greint var frá því í gær að Luis hefði meiðst á fæti á opnu æfingunni á mánudaginn og hefði þurft að fara í nánari skoðun. Hinir þrír, sem heima sitja, eru eitthvað stirðir og ákveðið var að láta þá hvíla heima til öryggis.

Liðshópurinn sem Brendan valdi til Noregsfararinnar er svona skipaður. Jones, Enrique, Toure, Alberto, Gerrard, Aspas, Coutinho, Assaidi, Henderson, Coates, Downing, Spearing, Lucas, Mignolet, Allen, Borini, Sterling, Kelly, Flanagan, Ibe og Wisdom.

Liverpool hefur leik í Olsó klukkan fimm síðdegis og verður hægt að horfa á leikinn á Stöð2 sport2.