Luis leikur á morgun!

Luis Suarez mun leika með Liverpool á morgun þegar liðið mætir Melbourne Victory. Brendan Rodgers staðfesti þetta á blaðamannafundi. ,,Ekki spurning. Leikmennirnir eru ekki ennþá tilbúnir í 90 mínútur en þeir eiga allir eftir að spila því þetta snýst um undirbúning okkar."

Þá er að sjá á miðvikudaginn hvernig Luis stendur sig í Melbourne. Hann er kominn til Ástralíu eins og fram hefur komið og það verður örugglega vel fylgst með honum á morgun. Augu heimsins verða kannski ekki á honum en eftir það sem á undan er gengið í sumar má ljóst vera að mikill áhugi verður af hálfu fjölmiðla á kappanum.